team - mir uber iis
Die Nachtleben- Kultur und Vielfalt im Haslital hat in den letzten 2-3 Jahren gelitten. Mit dem Komediverein ist ein Verein von der Bildfläche verschwunden welcher im Bereich Events ähnliche Ziele wie wir verfolgt hat. Das Züri West Konzert in der Tennishalle liegt auch bereits über 3 Jahre zurück. Mit unseren Events und Partys wollen wir die Vielfalt fördern und der unterschätzten Konzert-, Kultur- und Party-Destination Haslital mit nationalen Topact’s mehr Gewicht geben.
Entstande isch miis-tal.com (dazumal no „d Siitä ohni Namä") amenä lengwiilige Sunndignamitag im August 2008. Nisi hed chli umebaschtled und e chliini Websiitä zum Ziitvertriib isch entstande. Jede Tag sii siner armä Messenger-Kontakte mit dr churzä und knappe Nachricht, „gang eis ga löögä www.haslital.jimdo.com", bombardiert wordä...
Bis hiit isch nid klar ob Beni Rieder genau us däm Grund Nisi eifach 100.- id Hend drickt und befohlä hed daser etz ä Domain ohni das närvige .jimdo sell bstellä. Gesagt - getan, nacherä lengerä
Diskussion im Lyons Pub hedmä sech uf miis-tal.com geiniged. Nid vergässä darfmä die tatchräftegi Understizig vo Max Havelaar wo ums i siinä Wort z sägä „quasi jedes Weekend dr ultimativ
Rückblick", schriibt und dadermit immerwieder vill Bsöcher alockt.
Innerhalb vo göötä 2 Monet isch miis-tal.com gwachsä und nachdäm mä afangs Dezember 2008 e chliini Depression hed uberwundä isch spätischtens siit dr Altjahrswuche 2008 klar das miis-tal.com d Höhepinkt vom Nachtläbä im Haslital uf siini ganz eigeni Art dokumentiert.
Siit dr Altjahrswuche 2008 isch o Rolf Nägeli (Leiter Events), damals no als Fotograf, derbii. Siit den isch immerwieder d Red dervo gsi, Event's ds mache. Mit der Birthday-Party im Oktober 2009 isch dä Tröim i erfillig gange. Was mitem Wurzel 5 Konzärt wiiter gange isch, gipfled im Liricas Analas Konzärt ir Tramhalle z Meiringe. Und es sell wiiter ga! Mir heis iis als Ufgab gmacht wiiterhin Events, mit dänä wo iis understizä, dirizfehrä.
Mir wei am Haslital eppis bietä, nid verbietä!
miis-tal.com
diis Tal. dii Siitä.
Mir stellä iis vor...
Nisi stelld sech vor | Web, Foto & Event
mii Namä isch: Dennis Aaron Kohler
mir sägä Alli: Nisi
vu Brööf bini: Azubi KV HGT
miis-Tal.com findeni: a never ending partystory
ohni miis-Tal.com: wär ds Nachtläbä nume halb so lustig
miis-Tal.com isch für mi: eppis wo sech stetig wiiterentwicklet
miis Lieblingsgetränk isch: Bier, Rivella und natirlech quellfrisches Haslitaler Wasser
mii Lieblingssound isch: eigetlech alles, je nach je halt...
ds Beschtä wo im Usgang cha passierä: e miis-tal.com Event
Mäxel stelld sech vor | just himself
mii Namä isch: Max Havelaar
mir sägä Alli: Mäxel
vu Brööf bini: Zimmermann und ha diversi Näbäjob`s
miis-Tal.com findeni: ä gööti Sach
ohni miis-Tal.com: würdi trotzdäm UM ga
miis-Tal.com isch für mi: mit Arbeit verbundener Spassfaktor
miis Lieblingsgetränk isch: Appenzeller
mii Lieblingssound isch: Trio sältä Nechtern und Älpler Trio Haar am Buddel
ds Beschtä wo im Usgang cha passierä: das geit di niid ah, souhund!
Rolf stelld sech vor | Leiter Events
mii Namä isch: Rolf Nägeli
mir sägä Alli: Rolf/DJ
vu Brööf bini: Elektroinstallateur
miis-Tal.com findeni: super Sach - Merci Nisi
ohni miis-Tal.com: unvorstellbar
miis-Tal.com isch für mi: d Siite mid Heimatcharakter
miis Lieblingsgetränk isch: Vodka/Red Bull
mii Lieblingssound isch: Hip Hop
ds Beschtä wo im Usgang cha passierä: Nice Sound, Nice Peoples, Nice Drinks... I like!!
Tino stelld sech vor | Head-Fotograf
mii Namä isch: Tino Scherer
mir sägä alli: Tino
vu Brööf bini: Elektromonteur (Lehrling)
miis-Tal.com findeni: es super Projekt vo "änetem Brinig"
ohni miis-Tal.com: chönt me de Vorder Abig nümme fürehole
miis-Tal.com isch für mi: e Site womer nume eifach Fröid dra hed.
miis Lieblingsgetränk isch: Red Bull oder wise Martini
mii Lieblingssound isch: Hip-Hop/Rap, Electronica/Dance, House
ds Beschtä wo im Usgang cha passierä: Abschalte vom Bruefsläbe und Spass ha
Nina stelld sech vor | Fotografin
mii Namä isch: Nina-Eva Gossweiler
mir sägä Alli: Nina
vu Brööf bini: Detailhandelsangestellte
miis-Tal.com findeni: super
ohni miis-Tal.com: wisst mä nid was im Haslital so los isch
miis-Tal.com isch für mi: ä geniali Sach wo Spass macht
miis Lieblingsgetränk isch: Bier, Sirup und Vodka
mii Lieblingssound isch: Rock
ds Beschtä wo im Usgang cha passierä: ä Party mit guetä Lüt
D Eliane stelld sech vor | Fotografin
mii Namä isch: Eliane von Bergen
mir sägä alli: Eli
vu Brööf bini: Sportartikelverkäuferin
miis-Tal.com findeni: E super sach
ohni miis-Tal.com: Wiisti nid was ig am Sunndigmorge als erschts mache
miis-Tal.com isch für mi: Nebenjob =)
miis Lieblingsgetränk isch: Multivitaminsaft
mii Lieblingssound isch: Rolf-Musig
ds Beschtä wo im Usgang cha passierä: Cooli Musig zum tänzle & fiire mid Kollege
Druckversion